Սերժ Սարգսյանը՝ գրքասեր. կամ պարզապես գրքի հաշվին PR ՀԱՍԱՐԱԿՈՒԹՅՈՒՆ
Տաքսիների համար հին մեքենաների շահագործումը կարգելվի. վարորդ... ՀԱՍԱՐԱԿՈՒԹՅՈՒՆ
ՀՀ Ազգային ժողովի 12 միլիոնանոց պայմանագրերը ՀԱՍԱՐԱԿՈՒԹՅՈՒՆ
Հունվարը տնտեսական ցուցանիշների աճի ամիս ՏՆՏԵՍՈՒԹՅՈՒՆ
2017–ին Ռուսաստանում դատվել է 590 տեռորիստ և 691 էքստրեմիստ ՄԻՋԱԶԳԱՅԻՆ
Երևան, 23.Փետրվար,
00
:
00
:
00
Փոխարժեք
478.65
$
560.79
Ընկերությանը դիտավորյալ տարել է սնանկացման Նորք-Մարաշի աշխատակազմն առավել ակտիվ համագործակցություն պետք է ծավալի մասնավոր հատվածի հետ.Տարոն Մարգարյան Սերժ Սարգսյանը՝ գրքասեր. կամ պարզապես գրքի հաշվին PR Հերթական «օպտիմալացման» հետքերով Երբևէ մտածե՞լ եք, թե ինչպես են ապրում թոշակառուները այլ երկրներում.Դուք կապշեք, երբ տեսնեք դա. «Ելք»-ը կդիմի ՍԴ՝ հակասահմանադրական համարելով երկրի նախագահի՝ ԱԺ-ի կողմից ընտրվելը Տաքսիների համար հին մեքենաների շահագործումը կարգելվի. վարորդները խնդրի առաջ կկանգնեն Գումար պոկելու նոր մեթոդ «Դեղերի մասին» նոր օրենքի տեսքով Տարոն Մարգարյան. «Նորքի բարձունքի անտառային գոտու վերականգնումը շատ կարևոր ու անհրաժեշտ է ոչ միայն Նորք-Մարաշի բնակիչների, այլև ողջ քաղաքի համար» Ռուբեն Մելքոնյան. «Թուրքիան միտումնավոր է վիժեցնում հայ-թուրքական հարաբերությունների կարգավորման գործընթացը» ՀՀ Ազգային ժողովի 12 միլիոնանոց պայմանագրերը Պատերազմ Ռուսաստանի դեմ, դեռևս՝ տնտեսական. սառը պատերազմի նոր փուլ կսկսվի՞ Դեղ արտադրողների ու ներկրողների դժգոհության պատճառներն անհասկանալի են Գործարար Արտակ Թովմասյանը՝ «Տարվա մեկենաս» (լուսանկարներ) Գագիկ Ծառուկյանն ինձ որևէ պաշտոնից չի ազատել․ Իվետա Տոնոյան Ուկրաինայի հայերի միությունը՝ «Տարվա ամենաարդյունավետ գործող կառույցը սփյուռքում» Հունվարը տնտեսական ցուցանիշների աճի ամիս Արժեքավորը՝ չակերտներում. Մատենադարանից «ֆուրշետի» ափսեներ են տարել Ճապոնիայում ստեղծված էլաստիկ դիսփլեյը կարելի է ամրացնել մարմնին 2017–ին Ռուսաստանում դատվել է 590 տեռորիստ և 691 էքստրեմիստ

Բանջարեղենի և մրգի շուկայում 25,11% գնաճ է արձանագրվել

 

«Փաստ» օրաթերթը գրում է

 

Այս տարվա հունվարին նախորդ տարվա դեկտեմբերի համեմատ սպառողական շուկայում արձանագրվել է 2,7% գնաճ, ինչը հիմնականում պայմանավորվել է սննդամթերքի և ոչ ալկոհոլային խմիչքի 5,7% գնաճով: Սննդամթերքի գները նշված ժամանակահատվածում աճել են 5,1%–ով, ոչ պարենային ապրանքներինը՝ 1,5%–ով, իսկ ծառայությունների սակագները՝ 0,2%–ով: Այս մասին «Փաստ»–ը Ազգային վիճակագրական ծառայությունից:

Արձանագրված 5,7% գնաճի վրա անմիջական ազդեցությունն է թողել մրգի և բանջարեղենի՝ համապատասխանաբար 10% և 34,3% թանկացումները: Բանջարեղենի շուկայում 2018–ի հունվարին նախորդ տարվա նույն ամսվա համեմատ արձանագրվել է 2,1% գնանկում, իսկ 2017–ի դեկտեմբերի համեմատ` 34,3% գնաճ:

Հանրապետության դիտարկված բոլոր քաղաքներում հունվարին 2017–ի դեկտեմբերի համեմատ բանջարեղենի գներն աճել են 26,2–38,6%–ով, այդ թվում, գնաճի ամենաբարձր ցուցանիշն արձանագրվել է Արտաշատում:

Մրգի գնաճը 10% է կազմել: Մրգի շուկայում գնաճի ամենաբարձր ցուցանիշն արձանագրվել է Վանաձորում, իսկ մայրաքաղաքում գների մակարդակն աճել է 9,7%–ով:

2018–ի հունվարին 2017–ի դեկտեմբերի համեմատ հանրապետությունում գրանցվել է բանջարեղենի և մրգի 25,11%, բենզինի, դիզելային վառելիքի և փոխադրամիջոցների լիցքավորման համար գազի՝ 11,2% գնաճ: Վերոնշյալները սպառողական գների ինդեքսի ցուցանիշի կառուցվածքում ունենալով համապատասխանաբար 8,58% և 3,65% տեսակարար կշիռ, նշված ժամանակահատվածում նպաստել են սպառողական գների ընդհանուր մակարդակի աճին 2,54 տոկոսային կետով:

Մսամթերքի դեպքում հունվարին նախորդ տարվա նույն ժամանակաշրջանում գրանցվել է 13,1%, իսկ 2017–ի դեկտեմբերի համեմատ՝ 2% գնաճ:

Ձկան և ծովամթերքի ապրանքախմբում հունվարին 2017–ի հունվարի համեմատ արձանագրվել է 25,9%, իսկ 2017–ի դեկտեմբերի համեմատ` 0,6% գնաճ: Հանրապետության դիտարկված 6 քաղաքներում հունվարին անցյալ տարվա դեկտեմբերի համեմատ ձկնամթերքի գներն աճել են 0,3–1,2%–ով: Հիշեցնենք, որ մայրաքաղաքում ձկնամթերքի գների մակարդակն աճել է 1%– ով:

Կաթնամթերքի, պանրի և ձվի ապրանքախմբում արձանագրվել է 7,1%, իսկ 2017–ի դեկտեմբերի համեմատ՝ 0,5% գնաճ: Ի դեպ, ըստ վիճակագրության, ձվի գինը նշված ժամանակահատվածում նվազել է 0,3%–ով:

Հանրապետության դիտարկված 8 քաղաքներում հունվարին 2017–ի դեկտեմբերի համեմատ կաթնամթերքի, պանրի և ձվի ապրանքախմբում գրանցվել է 0,1–2,8% գնաճ: Մայրաքաղաքում կաթնամթերքը նախորդ ամսվա համեմատ աճել է 0,5%–ով:

Ոչ ալկոհոլային խմիչքի, սուրճի, թեյի և կակաոյի գները բարձրացել են: Այս ապրանքների դեպքում գնաճը 0,2% է կազմել: Իսկ հրուշակեղենի, ալկոհոլային խմիչքի և ծխախոտի գների մակարդակը նախորդ ամսվա համեմատ մնացել են անփոփոխ: ԱՎԾ–ի տվյալներով՝ շաքարի գինը նախորդ տարվա համեմատ նվազել է 8,1%–ով, իսկ նախորդ տարվա վերջին ամսվա համեմատ 0,4%–ով:

Դիտարկված 4 քաղաքներում հունվարին դեկտեմբերի համեմատ արձանագրվել է շաքարավազի 1,2–0,3% գնանկում: Երևանում շաքարավազի գները նվազել են 0,6%–ով: Յուղերի և ճարպերի գները նախորդ տարվա համեմատ 13,5% են աճել, իսկ 2017–ի դեկտեմբերի համեմատ՝ 0,4%–ով նվազել:

Վերջինիս մեծապես նպաստել են կարագի՝ 1% և մարգարինի 0,8% գնանկումները: Հացաբուլկեղենի և ձավարեղենի գները նվազել են 0,2%–ով:

 

Մանյա Պողոսյան

 

website by Sargssyan