Հորիզոնական մոնիթորինգի համակարգ՝ օրինապահ հարկ վճարողների հ...
ԱՄՆ–ը 2018–ին չի տեղափոխի իր դեսպանությունը Երուսաղեմ
Եգիպտոսում մեկնարկել է Երուսաղեմի պաշտպանության միջազգային հ...
Սիրիական նոր ռազմավարություն՝ ըստ Թիլերսոնի
Բարսելոնը կրկին անկախական գույներով է ներկվում ՄԻՋԱԶԳԱՅԻՆ
Երևան, 21.Հունվար,
00
:
00
:
00
Փոխարժեք
478.65
$
560.79
Ի՞նչ են նշանակում Ձեր երազները. Երազահան Դանի Ալվեշի այս «հրաշալի» կատարումը կխենթացնի բոլորին Այս դուռը չեն բացել արդեն 4000 տարի. Դուք չեք էլ կարող պատկերացնել, թե ինչ կա այնտեղ թաքնված Ձեր բերանը բաց կմնա, երբ տեսնեք, թե ինչպիսին է արտաքինից փոքր թվացող այս տնակը ներսից. Այն իսկական պալատ է 10 խելահեղ լուսանկար, որոնցից աչք կտրելն ուղղակի անհնար է Հենրիխ Մխիթարյանը ժամանեց Լոնդոն՝ բուժզննման. ՏԵՍԱՆՅՈՒԹ Տղան լճի մեջ նկատեց տարօրինակ մի բան. Այն ինչ հայտնաբերեցին նրա ծնողներն այնտեղ, իրոք, շշմեցնող է Զույգը որդեգրել էր այս 9-ամյա աղջկան. Բայց երբ իմացան ճշմարտությունը, նրանք ուղղակի սարսափեցին Երիտասարդը տեսավ ծովի ալիքների վրա լողացող դատարկ շիշ. Իսկ երբ բացեց այն, մազերը բիզ-բիզ կանգնեցին. Դուք կսարսափեք, երբ իմանաք՝ ինչու 2018-ն ամենաերջանիկ տարին կլինի կենդանակերպի այս 4 նշանների համար Երևանում քրեական հեղինակության են ձերբակալել Մինչև նոյեմբեր ամիս փակ է լինելու Հալաբյան փողոցից դեպի Իոսիֆյան փողոց տանող ճանապարհահատվածը «Մայրաքաղաք» հաղորդաշարի անդրադարձը՝ տրանսպորտի ոլորտի բարեփոխումների գործընթացին Արտաքինից փոքր թվացող այս տնակը իսկական պալատ է. Տեսնելով, թե ինչպիսին է այն ներսից՝ Ձեր բերանը բաց կմնա ԹԵՍՏ Օշոից․ Ինչի՞ մասին Ձեզ կպատմեն Դզեն քարտերը Ամերիկաբնակ գործարար Արթուր Փանոսյանը իշխանությունների կողմից արժանացել է պարգևատրման Այն ինչ գտավ ռուս բլոգերն այս լքված տան մեջ, դեռ երկար կհիշեն բոլորը. Գաղտնիքների բացահայտման հետքերով Պելեի առողջական վիճակը վատթարացել է. Նրան տեղափոխել են հիվանդանոց Այս երեխան ցավերի պատճառով ցանկանում էր շուտ մահանալ. Բայց եղավ այն, ինչին ոչ ոք չէր հավատում Լոռու մարզի փաստաբանները մեկօրյա նախազգուշական բողոքի ակցիա են իրականացնում

Էդվարդ Շարմազանով. «2017–ին մեզ հաջողվել է բարեփոխումների դրական ֆոն ստեղծել»

«Փաստ» օրաթերթը գրում է

ՀՀ ԱԺ փոխնախագահ, Հանրապետական կուսակցության խոսնակ Էդուարդ Շարմազանովն ամփոփելով անցած՝ 2017 թվականին կուսակցության անցած ճանապարհը, «Փաստ» օրաթերթի հետ զրույցում նշեց, որ անցած տարին ոչ միայն ՀՀԿ–ի, այլ բոլոր քաղաքական ուժերի համար էլ քննական էր, քանի որ ընտրությունների տարի էր:

«Ընտրական տարին յուրաքանչյուր կուսակցության և կուսակցությունների դաշինքների համար նախևառաջ քննություն է հասարակության առջև: Եվ հասարակությունն իր քվեով «նշանակում» կամ չի «նշանակում» այդ քննությունը: Բոլոր խնդիրներով հանդերձ Հանրապետականը հանձնեց այդ քննությունը, հավաքելով այնքան ձայն, որ կարողանա ԱԺ–ում 50–ից ավելի մանդատ ունենալ: Այսինքն, առաջիկա 5 տարիներին Հայաստանի կառավարման պատասխանատվությունը ՀՀԿ–ին է պատկանում»,– ասաց Է. Շարմազանովը:

Անդրադառնալով ՀՀԿ–ՀՅԴ կոալիցիոն հուշագրին, ԱԺ փոխնախագահը նշեց, որ մինչև 2022 թվականը քաղաքական կոնֆիգուրացիան ամենայն հավանականությամբ կմնա նույնը, քանի որ ընդդիմություն–իշխանություն բաժանումը բավականին հստակեցված է: Խոսելով 2018 թվականին վարչապետ առաջադրելուն, ապա Շարմազանովի կարծիքով դա կուսակցության համար հերթական քննություն չէ:

«Հայաստանն անցել է կառավարման պառլամենտական համակարգի և այլևս մեկ անձի ընտրություն չկա: Անկախ նրանից, թե ինչ անուն–ազգանունով անձինք կլինեն երկրի նախագահի, վարչապետի և փոխվարչապետի պաշտոններում, քաղաքական մեծամասնությունը չի փոխվելու, քանի որ ընտրությունների արդյունքով իշխող քաղաքական ուժը ՀՀԿ–ն է: Եվ ժամանակ առ ժամանակ հրապարակ նետվող լուրերը, թե 2018 թվականին նոր ընտրություններ են լինելու, չի համապատասխանում իրականությանը: Այս տարի ոչինչ էլ տեղի չի ունենալու, քանի որ ՀՀԿ նախագահ Սերժ Սարգսյանն ինչպես ղեկավարել է կուսակցությունը, այնպես էլ շարունակելու է ղեկավարել այն»,– ասաց Է. Շարմազանովը:

Խոսելով կառավարման մոդելի փոփոխությամբ պայմանավորված առկա թերությունները շտկելուն, Է. Շարմազանովը նշեց, որ թերություններ չկան միայն դրախտում, չնայած որ կուսակցությունում առկա թերությունների մասին ամենաշատը խոսում է ՀՀԿ առաջնորդ և ՀՀ նախագահ Սերժ Սարգսյանը:

«Հանրապետականի ուժեղ կողմն իմ կարծիքով այն է, որ լինելով քաղաքական օրակարգ թելադրող ուժ, երկիրը բարեփոխումների ճանապարհով տանելու լոկոմոտիվի դերն է կատարում նաև: Եվ մենք բավարար քաղաքական կամք ունենք բարեփոխումներ իրականացնելու, բայց հարկ է նաև հիշել, որ չի սխալվում այն քաղաքական ուժը, ով ոչինչ չի անում: Իհարկե, երկրում կան և՛կոռուպցիա, և՛ արդյունավետ կառավարման խնդիրներ, որոնց մասին մենք ինքներս ենք բարձրաձայնում: Երկու ելք կա այդ խնդիրները լուծելու՝ մեկը քաղաքական կամքն է, մյուսը օրենսդրական բարեփոխումները, և ըստ անհրաժեշտության Հանրապետականը երկու գործիքներն էլ օգտագործում է իր առջև դրված խնդիրները լուծելու համար: Այս պահին արդյունավե՞տ են ընթանում բարեփոխումները, իհարկե՝ ոչ: Եվ եթե արդյունավետ լիներ, ապա ո՛չ հանրապետության նախագահը, ո՛չ էլ հասարակությունն այդ մասին չէր խոսի: Բայց կարևորն այն է, որ այս ընթացքում մեզ հաջողվել է բարեփոխումների դրական ֆոն ստեղծել, իսկ առհասարակ արդյունքների մասին մենք կարող ենք խոսել միայն 2022 թվականին»,– ասաց Է. Շարմազանովը:

Պատասխանելով լրատվամիջոցներում վերջերս շրջանառվող տեղեկություններին, թե ՀՀԿ–ն իր ներսում առաջացած ճաքի պատճառով կարող է մասերի բաժանվել, նշեց, որ ինքը 2001 թվականից ՀՀԿ–ի, իսկ 2009–ից կուսակցության ղեկավար մարմնի անդամ է և այս տարիների ընթացքում հարյուրից ավելի հրապարակումներ են եղել, որոնցում, իր խոսքով՝ գուժում էին ինչպես ՀՀԿ–ում տարբեր բևեռներ առաջանալու, այնպես էլ այլ սցենարներով կուսակցությունը մասերի բաժանվելու մասին:

«Իհարկե մեզ մոտ կա առողջ մրցակցություն, գաղափարների պայքար, գաղափարական բախումներ, քննարկումներ, բայց հանրապետականում արշալույսները խաղաղ են, և սա է հենց ՀՀԿ–ի ուժը: Այսինքն, մեր ուժը մեր բազմազանության մեջ է և այնպես չէ, որ ՀՀԿ–ում ինչ ասում են, բոլորը համաձայնվում են դրա հետ: Մեր կուսակցությունում ցանկացած հարց լուրջ քննարկվում է և երբ այն դառնում է կուսակցության որոշում, կուսակցության բոլոր անդամները, անկախ իրենց անձնական դիրքորոշումից, այն պարտաճանաչ իրականացնում են, բայց այդ պաշտոնական որոշմանը մենք հանգում ենք բազմաթիվ քննարկումների արդյունքում: Մեր ուժը մեր միասնականության մեջ է կուսակցության նախագահ Սերժ Սարգսյանի գլխավորությամբ, իսկ 2018 թվականից հետո էլ մեր առաջնորդը շարունակելու է մնալ Սերժ Սարգսյանը»,– ասաց ԱԺ փոխնախագահը:

Խոսելով 2018 թվականի իր սպասելիքների մասին, նա նշեց, որ ինչպես ցանկացած հայ քրիստոնյա իր սպասելիքները դրական են:

«Ամենակարևորը, որ կարողանանք էլ ավելի ամրապնել մեր անվտանգությունը: Թող որ 2018 թվականին մեկս մյուսին ավելի շատ սիրենք, ավելացնենք փոխադարձ հարգանքը միմյանց նկատմամբ և յուրաքանչյուրս մեր գործն ավելի պարտաճանաչ կատարենք: Լավ կլինի նաև, որ այս տարի մարդիկ շատ խոսելու փոխարեն գործ անեն: Եվ եթե յուրաքանչյուրն իր տեղում նորմալ աշխատի, ապա ամեն ինչ շատ ավելի լավ կլինի: Ես կարծում եմ, որ մենք ապրում ենք աշխարհի ամենալավ երկրում, և տա Աստված, որ բոլորիս ջանքերով կառուցենք այն երկիրը, որը յուրաքանչյուր քրիստոնյա հայի սրտում է»,– զրույցը եզրափակեց Է. Շարմազանովը:

 

Արմինե Գրիգորյան

website by Sargssyan