Սեխի ճանճի առասպելը ԳԵՈՐԳԻ ԱՎԵՏԻՍՅԱՆԻ ՍՅՈՒՆԱԿԸ
Մոտ 2 միլիոն 700 հազար դրամ պարտքով գումար ՀԱՍԱՐԱԿՈՒԹՅՈՒՆ
Սերժ Սարգսյանը՝ գրքասեր. կամ պարզապես գրքի հաշվին PR ՀԱՍԱՐԱԿՈՒԹՅՈՒՆ
Տաքսիների համար հին մեքենաների շահագործումը կարգելվի. վարորդ... ՀԱՍԱՐԱԿՈՒԹՅՈՒՆ
ՀՀ Ազգային ժողովի 12 միլիոնանոց պայմանագրերը ՀԱՍԱՐԱԿՈՒԹՅՈՒՆ
Երևան, 25.Փետրվար,
00
:
00
:
00
Փոխարժեք
478.65
$
560.79
20 անհավանական գեղեցիկ օմբրե շերտաներկում միօրինկությունից խուսափելու համար (լուսանկարներ) Կցանկանայի, որ շատերն իրենց հավատարմությամբ նմանվեին Իվետա Տոնոյանին. Գ. Ծառուկյան «ԱԺ Ծառուկյան խմբակցությունը կողմ կքվեարկի Արմեն Սարգսյանի թեկնածությանը. Գ.Ծառուկյան Շիրակի թեմի առաջնորդը չի թույլատրել զոհված զինվորի դին տեղափոխել եկեղեցի. բնակիչները բեկանեցին այդ որոշումը «Մայրաքաղաք» հաղորդաշարի անդրադարձը «Ճանաչիր ինձ» ծրագրին Հարնապետությունում առաջիկա 5 օրվա եղանակի կանխատեսում Սուրեն Զոլյանի կարծիքով պատերազմի մասին կանխատեսումները չափազանցված են Հայաստանում «McDonald's» բացելու լուրը պաշտոնապես չի հաստատվում. թո՞ւյլ տալ, թե ոչ 360 միլիոն դրամ գյուղնախարարությանը 6 միլիոն լիտր դիզվառելիք գնելու համար Արմեն Բադալյան. «Ապրիլից հետո լճացում է սպասվում» Բերդի տարածաշրջանի զորամասերից մեկում հրազենային վիրավորում է ստացել ժամկետային զինծառայող Ադրբեջանը նորից պատրաստվում է ԵԽԽՎ-ին «ֆաստ ֆուդով» կերակրել Երկաթաձողերով զինված մարդիկ գրավել են Օդեսայի «Լերմոնտովյան» առողջարանը Կենտրոն հեռուստաընկերությունը սկսում է «Երևի» հեռուստասերիալի ցուցադրությունը (տեսանյութ, լուսանկար) Սպասվում են տեղումներ. Առաջիկա 5 օրերի եղանակային կանխատեսումները Մայրաքաղաքում ընթանում են անձրևընդունիչ համակարգերի մաքրման աշխատանքներ Ավազակները սկսել է թիրախավորել զբոսաշրջիկներին Փաստաբան. «Արդարադատություն չիրականացնելու պտուղները դեռ երկար տարիներ կքաղենք». Հայաստանը՝ միջազգային կառույցի հերթական զեկույցում Շիրակի պետական համալսարանից պարզաբանում են պահանջել. ԿԳՆ պատասխանը Սեխի ճանճի առասպելը

Արարատում բյուջեից 1 մլն դոլարից ավել ծախս պահանջած նոր դպրոցի շինարարության շարունակությամբ պետական մարմինները չեն զբաղվում

Տարիներ առաջ Արարատ քաղաքում 1 միլիոն դոլարից ավելի գումարի ծախս պահանջած շինարարությամբ ՀՀ պետական մարմիններն այլևս չեն զբաղվում, ծախսված գումարն էլ արդեն գետնին է հավասարվում: Այդ մասին տեղեկատվությունը հաստատվում է Tert.am-ի հարցմանն ի պատասխան ՀՀ քաղաքաշինության պետական կոմիտեից ստացված գրությամբ:

Նշենք, որ դեռևս 2007 թվականին Արարատի մարզի Արարատ քաղաքի Ոսկու

կորզման ֆաբրիկայի բանավանում սկսվել էր նոր դպրոցի շինարարություն, որը պետք է փոխարիներ այդ բնակավայրում եղած Արարատ քաղաքի թիվ 5 միջնակարգ դպրոցին:

Նախատեսվում էր, որ գործող դպրոցը պետք է մտներ բնակավայրում եղած զորամասի տարածքի մեջ: Դպրոցի շինարարությունը, սակայն, դադարեցվեց դրա կառուցումից 2 տարի հետո՝ 2009-ին:

Նշենք, որ դեռևս 2011 թ. «Առավոտ» օրաթերթն անդրադարձել էր խնդրին և հղում անելով Քաղաքաշինության նախարարության շինարարության քաղաքականության բաժնին նշել էր, որ շենքի կառուցումը ծախսատար էր. տարածքը ճահճային էր, պետք է չորացվեր, գումար էլ շատ էր պահանջվել` 100 մլն դրամ: «Այդ պատճառով էլ մի քանի տարի դուրս մնաց կառուցվող օբյեկտների շարքից»,- ասել էր նա և դեռ այն ժամանակ ավելացրել, որ նաև բանակցում են ՀՀ պաշտպանության նախարարության հետ՝ իրենց բյուջեի միջոցներով շարունակելու դպրոցի կառուցումը: «Այդքան ծախս է արված, իհարկե, շինարարությունը չենք դադարեցրել: Այն կշարունակվի, եթե ոչ 2012թ.-ին, ապա 2013թ.-ին՝ հաստատ»,- հավաստել էր պարոն Քամալյանը:

Նկատենք, որ դեռևս այն ժամանակ տեղի բնակիչները թերահավատորեն էին վերաբերում շենքի շինարարության շարունակությանը:

«Էլ չի էլ շարունակվելու, էդ փողերն արդեն ծախսվել են, քի՞չ ա պետությունը սխալ տեղեր վատնում մեր փողերը: Էնքան կձգձգեն, որ արդեն էս կիսակառույցը կդառնա ավերակ»,- ասել էր ՈԿՖ-ի բնակիչներից 27-ամյա Սուսաննան:

2013-ին ևս «Առավոտը» հարցմամբ դիմել էր Քաղաքաշինության նախարարությանը՝ պարզելու արդյոք նախատեսե՞լ ենք շենքի շինարարությունը շարունակել: Պարզվել է՝ 2013-ին էլ այն հետաձգվել է: Հարցման պատասխանում միայն նշվել է, որ նշված կիսակառույց շինության կառուցումն ավարտին հասցնելու հարցը կքննարկվի նաև անավարտ շինարարության օբյեկտների շինարարական աշխատանքներն ավարտին հասցնելու վերաբերյալ ՀՀ վարչապետի   ` «Միջգերատեսչական հանձնաժողով ստեղծելու և դրա անհատական կազմը հաստատելու մասին» որոշմամբ ստեղծվելիք հանձնաժողովի նիստերի ժամանակ»: 

 
 
Реклама 18

Շենքի շինարարությունը սկսելուց 10 տարի հետո Tert.am-ը շենքի «ճակատագրի մասին» հարցում է ուղարկել Կառավարությանն առընթեր ՀՀ քաղաքաշինության պետական կոմիտե՝ պարզելու պետբյուջեից ծախսված որքա՞ն գումար է ոչնչանում, և արդյոք շենքի կառուցման մասին պատկան մարմինները մտածո՞ւմ են:

Հարցմանը, թե որքան գումար է ծախսվել 2007-2009 թվականներին դպրոցի շենքի շինարարության համար` Քաղաքաշինության պետական կոմիտեից պատասխանել են․

«2007-2009 թվականներին շինությունը կառուցելու համար պետբյուջեից ծախսվել է՝

334, 225. 520 հազ. դրամ, այդ թվում՝ 2007 թվականի հատկացում՝ 199,142.100 հազ.դրամ, 2008 թվականի հատկացում՝ 90,867.720 հազ. դրամ, 2009 թվականի հատկացում՝ 44,215.700 հազ. դրամ»:

Թե ինչու է դադարեցվել շինարարությունը հարցին ի պատասխան՝ պետական գերատեսչությունից պարզաբանել են. «2010 թվականին օբյեկտը ՀՀ պետական բյուջեում չի ընդգրկվել՝ սահմանված կարգով հայտ չներկայացնելու և համապատասխան ֆինանսական միջոցներ չնախատեսվելու պատճառով»:

Պետք է նշել, որ ընդհանուր 489 223 150 դրամ (1 019214 դոլար) ծախս պահանջած շենքի շինարարությունը չի նախատեսվում շարունակել նաև գալիք տարիներին:

«Ըստ սահմանված կարգի՝ կրթական օբյեկտների հիմնանորոգման և/կամ կառուցման աշխատանքների ֆինանսավորման նպատակահարմարությունը դիտարկվում է ՀՀ ՄԺԾ ծրագրերի շրջանակներում՝ ֆինանսավորման չափաքանակների հատկացմամբ՝ ՀՀ գերատեսչությունների և ՀՀ մարզպետարանների կողմից ներկայացված հայտերի հիմքով:  Տվյալ պարագայում, նոր դպրոցի շենքի կառուցման աշխատանքների շարունակման անհրաժեշտության վերաբերյալ ՀՀ Արարատի մարզպետարանի կողմից 2018-2020 թթ ՄԺԾԾ հայտում համապատասխան պահանջ չի ներկայացվել»,- Tert.am-ի հարցման պատասխանում ներկայացրել է Քաղաքաշինության պետական կոմիտեն:

Թե ինչու Արարատի մարզպետարանը շենքի շինարարությունը շարունակելու պահանջ չի ներկայացվել կառավարությանը՝ կներկայացնենք առաջիկայում, երբ ստանանք այդ մասին մեր հարցման պատասխանը: 

Պետք է նկատել, մինչ շենքի շինարարությունը շարունակելու որոշումը պետական գերատեսչություններն ամեն անգամ հետաձգում են, շինարարության նախնական վիճակն այս տարիների ընթացում ավերակ և հանրային պետքարան է դառնում:

ՈԿՖ-ի բանավանում ապրողներն էլ ասում են ՝արդեն սովորել են իրենց բնակավայրի անշքությունը համալրող այդ կիսակառույց շենքի ներկայությանը:

«Դա չի կառուցվելու: Անհասկանալի է, թե ինչու չեն խոստովանում, որ անիմաստ ծախսել են այդ փողերը, հիմա էլ չեն պատրաստվում շարունակել շինարարությունը: Դրա շինարարությունը վերսկսելու համար երևի ծախսածի չափ փող պիտի դնեն»,-  Tert.am-ի հետ զրույցում այսպես ասաց ՈԿՖ բանավանի բնակիչ 41-ամյա Գարիկը:

 

website by Sargssyan