Ահազանգ. պաշտպանության նախարարին ուղղված նամակները մնում են ... ՀԱՍԱՐԱԿՈՒԹՅՈՒՆ
Այգեպանի բացակայությունը ՀԱՍԱՐԱԿՈՒԹՅՈՒՆ
Ձմռան ցրտին դիմակայելու համար հովտամեջցիները բանկերի դուռը կ... ՀԱՍԱՐԱԿՈՒԹՅՈՒՆ
Նոր դրամներ, նոր քաղքենիություն ՎԵՐԼՈՒԾԱԿԱՆ
Նախիջևանի ուղղությամբ որևէ սպառնալիք չկա. ի՞նչ նպատակ ունեն ... ՔԱՂԱՔԱԿԱՆ
Երևան, 24.Նոյեմբեր,
00
:
00
:
00
Փոխարժեք
478.65
$
560.79
ԵԺԿ-ն ԼՂ հինախնդրում աջակցում է Մինսկի խմբի համանախագահների ջանքերին. գագաթնաժողովում ընդունվել է հռչակագիրը Ի վերջո ի՞նչ կորոշի Մոսկվան Նախագահ Սերժ Սարսյանը Բրյուսելում մասնակցում է ԱլԳ գագաթնաժողովին ընդառաջ ԵԺԿ առաջնորդների հանդիպմանը Ստեփանծմինդա-Լարս ավտոճանապարհը ծանրաքաշ մեքենաների համար փակ է Արսեն Բադալյանը հեռացել է ըմբշամարտի ֆեդերացիայի փոխնախագահի պաշտոնից «Հայաստան» հիմնադրամի հեռուստամարաթոնի ընթացքում հավաքվեց 12,5 մլն ԱՄՆ դոլար Բակո Սահակյանը կոչ է անում միանալ Արցախի համար ռազմավարական նշանակության ծրագրերի իրագործմանը Նախագահ Սերժ Սարգսյանը Բրյուսելում մասնակցում է ԵԺԿ գագաթնաժողովին Բացառիկ տեսանյութ՝ Արմավիրի մարզում ինչպես է BMW-ն մխրճվում բեռնատարի մեջ Լևոն Արոնյանը շարունակում է գլխավորել Գրան Պրիի մրցաշարային աղյուսակը Հայ բռնցքամարտիկները հերթական մենամարտը կանցկացնեն պրոֆեսիոնալ ռինգում Թրամփը Պուտինի հետ է բանակցել, Թիլերսոնը՝ Լավրովի Viber-ի թաքնված հնարքները Սաադ Հարիրին Բեյրութ է վերադարձել Իրաքյան Քուրդիստանի վարչապետը կփորձի միավորել քաղաքական դաշտը Լրտեսական կրքեր ԱՄՆ–Ռուսաստան մեդիադաշտում Կասեցնել զորամաս ներխուժած հակառակորդի հարձակումը, ջախջախել նրան ու վերականգնել առաջնագիծը Անցած 1 օրում`11 մարմնական վնասվածք հասցնելու դեպք, 13 ՃՏՊ, արդյունքում` 1 զոհ, 26 վիրավոր Գյումրիում տեղադրում են գլխավոր տոնածառը. տոներին բյուջեից 7 միլիոն դրամ է հատկացվել Նոր գրասենյակը կզբաղվի չինական շուկայում հայկական ապրանքների ներկայացմամբ և իրացմամբ

Հովիկ Աբրահամյանը հերքում է. նա ռուսաց լեզվի հայեցակարգի մշակման հանձնարարական չի տվել

Մոտ երկու շաբաթ է, ինչ լրատվական տարբեր ձևաչափերով ակտիվորեն քննարկվում է հայաստանյան դպրոցներում օտար լեզուների ու հատկապես ռուսաց լեզվի դասավանդման հայեցակարգերի վերաբերյալ թեմաները:

Հարցի շուրջ հասարակության արձագանքը խիստ բացասական է:

Թեև կառավարության ներկայացուցիչներն, ի դեմս վարչապետի, փորձում են ամեն ձևով լղոզել, ու որքան հնարավոր է շուտ փակել թեման, բայց, այնուամենայնիվ, լրագրողական հստակ հարցադրումներից խուսափելն անհնարին եղավ: Օրակարգային թեմայի շուրջ ՀՀ կրթության և գիտության նախարար Լևոն Մկրտչյանը, ով խնդրի վերաբերյալ իրարամերժ հայտարարություններ էր անում, ասուլիս հրավիրեց, ու բավական անվստահ ու վախվորած հայտարարեց, թե Կարեն Կարապետյանը որևէ առնչություն չունի հայեցակարգի մշակման հետ:

Ինչ վերաբերում է Կարապետյանին, ապա չենք կարող չնկատել նրա՝ «моя хата с краю» պահվածքը: Եռաբլուրում Կարապետյանը կեսբերան հայտարարեց, թե ռուսաց լեզվի հայեցակարգի վերաբերյալ հանձնարարական չի տվել: Այս ամենը դեռ քիչ էր՝ հայտարարությամբ հանդես եկավ Երևանի ավագանու «Ելք» խմբակցության անդամ Անահիտ Բախշյանը, ով բավական մեծ ոգևորությամբ հայտարարեց, թե հայեցակարգի հանձնարարականը եղել է ոչ թե Կարապետյանի, այլ Հովիկ Աբրահամյանի ժամանակ: Ինչևէ, Past.am–ին հաջողվեց կապ հաստատել ՀՀ նախկին վարչապետ Հովիկ Աբրահամյանի հետ: Քննարկման թեմայի շուրջ Հ. Աբրահամյանը նշեց, որ իր պաշտոնավարման ժամանակ նման հայեցակարգի մշակման հանձնարարական չի եղել, հետևաբար, այն իր նախաձեռնությունը չէ:

Ինչպես տեսնում ենք՝ կծիկը գնալով ավելի է խճճվում: Հասարակության հետաքրքրությունը սպառելու և, ի վերջո, հասկանալու, թե որտեղից Անահիտ Բախշյանին փաստեր, որ հենց Աբրահամյանի ժամանակ է մշակվել հայեցակարգը, կապվեցինք նրա հետ ևս, ով, սակայն, վստահեցրեց, որ չունի հիմքեր ու հիմնավորումներ՝ օրերս իր կողմից արված հայտարարության հետ կապված: «Ես չունեմ փաստեր կամ ապացույցներ, որ հայեցակարգը մշակվել է Հովիկ Աբրահամյանի պաշտոնավարման ժամանակ: Պարզապես հիմնվել եմ ԿԳ նախարարի խոսքի վրա, ով ասել էր, որ դա չի եղել գործող վարչապետի հանձնարարականը: Այստեղից արել եմ հետևություն, որ դա եղել է նախկին վարչապետի հանձնարարականը»:

Եվ հենց այստեղ է, որ զավեշտը հասնում է իր կուլմինացիոն կետին: Փաստորեն դուրս է գալիս, որ կոալիցիոն դաշնակիցները, «ապրելով» մեկ տանիքի տակ, «շուն ու կատու» են խաղում ու չեն կարողանում ընդհանուր հայտարարի գալ, և սա դեռ քիչ չէ՝ սեփական անհաջողությունները փորձում են բարդել ոչ ավել, ոչ պակաս, նախկին ղեկավարների վրա:

Ինչ վերաբերում է Բախշյանին, նա, իհարկե, հարգանքի արժանի վաստակ ունի, բայց քաղաքական հայտարարությունների մակարդակում թերանում է: Մյուս կողմից նախարարի ու վարչապետի ստեղծած թնջուկն այնպես է մոլորեցրել բոլորին, որ ոչ միայն տիկին Բախշյանը, այլ ցանկացած ոք կարող է մոլորվել: Հետաքրքրական է մեկ այլ բան: Երբ խոսվում է, օրինակ, ՌԴ քաղաքացիների կողմից ներքին անձնագրերով Հայաստան գալու և դրա շնորհիվ Հայաստանում զբոսաշրջության աճ գրանցելու մասին, Աբրահամյանի անունը մոռանում են: Երբ խոսվում է Հայաստան–Իրան հարաբերությունների՝ մասնավորապես տարանցիկ գազի մասին, Աբրահամյանի անունը մոռանում են, բայց երբ չեն գտնում՝ ի վերջո ով է տվել հանձնարարականը, հանկարծ հիշում են նախկին վարչապետին:

Հանրապետական ու դաշնակցական կոալիցիոն գործընկերները, թերևս լավ կանեն կողմնորոշվեն, թե ի վերջո ով է հանձնարարականի հեղինակը, այլապես իրարամերժ հայտարարությունների շղթան մոլորեցնում է մարդկանց: Չստացվի այնպես, որ հանկարծ պարզվի, որ ռուսաց լեզվի հայեցակարգի հեղինակն, ասենք, Վարդան Մամիկոնյանն է եղել:

Վեներա Հարությունյան



website by Sargssyan